Бејл ја игра последната сезона во Реал Мадрид

270

Бејл ја игра последната сезона во Реал Мадрид Герет Бејл нема да продолжи да настапува за Реал Мадрид. Пресудата за напаѓачот е донесена, пишува шпанското издание „АС“.

Според информациите, последниот натпревар меѓу кралскиот клуб и Јувентус од четвртфиналето на Лигата на шампионите (3:0) јасно покажал како ќе се развиваат односите меѓу двете страни по крајот на сезоната.

Изданието тврди дека речиси сигурно напаѓачот и шпанскиот гигант ќе се разделат, а одлуката на тренерот Зинедин Зидан да не му даде ни минута на Бејл против „бјанконерите“ е јасен знак во оваа насока.

Статистичарите во Шпанија пак, наведуваат дека за првпат откако е дел од мадридскиот тим, Бејл не одиграл ниту секунда во натпревар од Лигата на Шампионите.

Бејл се пресели на „Сантијаго Бернабеу“ во 2013 година од Тотенхем. „Белите“ за него платија 100 милиони евра.

Фото: EPA/Rodrigo Jimenez

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.