Димитров со писмо во име на Македонија му се извини на Ел Масри

1041

Министерот за надворешни работи, Никола Димитров во името на Македонија му се извинил на германскиот државјанин со либанско потекло, Калед ел-Масри, за незаконското апсење во 2004 година во Скопје.

Во писмо испратено до Ел Масри, а кое го објави Отворено општество иницијатива за правда и Американското здружение за заштита на човековите слободи, Димитров изразил длабоко извинување и искрено жалење за несоодветното однесување на властите, како резултат на што претрпел неизмерливи и болни искуства, тешки физички и психички повреди и болки.

Ел Масри беше држен во изолација, а потоа и предаден на ЦИА, во рамки на тајната програма на американската агенција за предавање и мачење, која беше усвоена по терористичките напади во САД на 11 септември 2001 година.

Во 2012-та година, македонската Влада плати отштета од 60.000 евра поради прекршување на Европската конвенција за човекови права.

Фото: EPA/STEFFEN KUGLER

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.