Најдобриот српски боксер – на прејадување во Македонија

Првакот на Србија во олимписки бокс со неговата девојка која исто така тренира бокс, беа на викенд во Скопје и ни открија што сѐ можат да изедат боксерите кога се на одмор и кога не ги чека меч

1261

Дваесет и двегодишниот Петар Прокиќ е првак на Србија во олимписки бокс, тешка категорија, до 91 килограм. Ни призна дека во моментов всушност и нема 91, туку цели 95 килограми, но исто така не убеди и дека е тоа вообичаено за боксерите. Значи, кога ги мерат пред меч боксерите во тешка категорија мора да имаат најмногу 91 килограм, а во меѓувреме секогаш варираат по неколку килограми, па набрзина пред меч ги симнуваат тие неколку килограми вишок.

Тренира два пати на ден по 1 ипол- 2 часа во Клубот „Фонтана“, а тренер му е Јован Ракоњац, бивши олимписки и професионален боксер.

Петар вели дека неговиот вообичаен начин на исхрана е здрав и разновиден. Јаде многу зеленчук и месо, но признава дека омилена храна му е главно таа што е нездрава, па најмногу од сѐ сака колачи и сладолед. Обично се воздржува и се труди да се храни здраво, но кога е на одмор, како што беше случај викендов во Скопје, се опушта и си ги дозволува сите тие, инаку, забранети гастро-гревови.

Прочитајте повеќе на порталот „Арт кујна“.

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.