Турската полиција уапси над 50 лица за 800 килограми дрога

103

Во дводневната операција на турската полиција приведени се повеќе од 50 луѓе и конфискувани се стотици килограми дрога во операцијата спроведена ширум цела земја, јави Анадолија.

Операцијата беше спроведена вчера и денеска ширум Турција.

Полицијата конфискува 722 килограми хероин во операцијата во југоисточниот округ Мардин. Дрогата била скриена во минибус, а возачот е уапсен.

Во југоисточниот округ Батман запленети се 66 килограми марихуана, при што е приведено едно лице.

Полицијата презела акции против илегалната трговија со наркотици и во окрузите Едрене, Аксарај, Анталија, Истанбул и Кајсери, при што се приведени десетици луѓе.

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.