Ќе се гради детска градинка во селото Брајковци

124

Преку Министерството за труд и социјална политика обезбедивме средства за изградба на детска градинка во рурална средина, во селото Брајковци, која покрива неколку села и за таа намена имаме обезбедено 10 милиони денари, информира министерката за труд и социјална политика, Мила Царовска по денешната средба со градоначалникот на Валандово, Перо Костадинов.

Според неа, до мај треба да биде потпишан договорот за изградба на градинката и во септември таа треба да треба да биде изградена.

– Намера на Владата е навистина да инвестираме во рамномерен регионален развој и затоа фокус ни се руралните општини, бидејќи и децата од руралните општини треба да имаат подеднаков старт како и сите останати дечиња во Македонија, оти тие се потенцијалот на нашата држава – рече Царовска.

Таа додаде дека ќе се отвораат градинки и во Чашка, во село Каласлари, општина Велес и во Прилеп.

 

 

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.