• 26 февруари 2018
  • Вести денес: 0

Буџетот сам по себе е едноставен, дури и досаден документ. Креирањето на буџетот е неговиот интересен дел. Тогаш, сѐ што е можно доаѓа до израз. Желбите, ентузијазмот, креацијата, суетата, политичкото убедување, желбата за моќ и пари, лечење на индивидуалните и колективните комплекси. Во тој момент најмалку се обрнува внимание на можностите, реалноста и рационалноста во оптимизмот. Типично за Балканот последниве три декади.

Ребалансот на веќе вака стокмен буџет е сосема нешто друго,особено ако треба да го направи некоја нова влада. Тоа веќе не е досаден документ, кога мораш да исправаш туѓи криви-дрини. Во ваква ситуација не можеш да направиш многу. Освен да дотуркаш до следниот буџет. И на основа на својот концепт и стратегија да понудиш нов модел на буџет. Но и да ја преземеш целата одговорност за новиот буџет. Новиот економско-финансиски тим не треба да е загрижен за нападите на понудениот ребаланс. Основниот буџет не е нивен производ, за да бидат одговорни. Тие само ја крпат состојбата. Сите примедби од опозицијата за ребалансот се само гола опструкција без концепт. Само да се опструира за добивање на време. Без разлика, што опозицијата и самата не знае што ќе прави со добиеното време. Коцкајќи се со идното сопствено опстанување како партија со нејасен иден концепт. Дури и на неуките во земјава им е јасно дека ДПМНЕ-концептот е некако да се дотурка до локалните избори, поточно до септември. Надевајќи се на трансот во земјата, кога сите на глас ќе урлаат „напред наши, ууаа ваши“!! Новава влада нема обврска да се занимава со желботеките на коморите. Тие нема да одговараат за буџетот ако е неуспешен. Се знае кој ќе биде одговорен.

Исто, владата нема обврска да ги слуша „мудрите“ мисли на професорскиот дебатен корпус,во чии месечни плати, патем речено, учествува буџетот, кој сите ние го плаќаме. Советите на шефот на монетарната власт, во стилот на последната високо професионална мисла „банките пливаат во пари и од таму треба да се позајмува“, секогаш треба да се прифаќаат со резерва. Новата влада единствен патоказ треба да ѝ биде нејзината цел стратегија и програма. Одговорот е едноставен. Ако не успее проекцијата на буџетот се знае кој ќе биде одговорен. Сите овие погорни групи само ќе гледаат сеир.

Затоа ребалансот треба да се разбере како добра „вежбанка“ за претстојниот буџет. Ако треба до крајот на годината и нов ребаланс. Ништо драматично нема да се случи.

Новиот буџет сигурно нема да биде досаден документ ако се има предвид статус кво состојбата во економијата. Од економско-финансиски аспект Македонија е технички пропадната држава. Македонија од вкупната популација има најмалку 900 илјади директни месечни корисници од буџетот. Македонија има банкротиран државен пензиски фонд, во еден небулозен пензиски систем за толку мала држава. Истото важи и за здраствениот систем. Македонија да не увезува пола милијарда евра храна годишно, ќе остане без храна. Македонија има нула раст на БДП. Како резултат на погорните (и многу други неспомнати) причини, Македонија има превисока задолженост, која на среден рок е неодржлива. Македонија немаше визија, концепт и стратегија последните три декади. Затоа веројатно никогаш нема да ја достигне Словенија. Мојата омилена и повеќе пати споменувана квотка, ако не произведувате и извезувате, прашање е дали ќе преживеете, никогаш во овие три декади од самостојноста тоа не било приоритет на државата.

Македонија има искривоколчен образовен систем, кој може да ја доведе до уникатна позиција во светот, да биде приморана да ги затвори студиите на одреден рок на општествените науки поради бескорисна хиперпродукција и огромна превработеност на таквата работна снага.

Ако се има предвид сето (најмалку) погоре, се поставува прашање кој е пристапот во креирањето на досадниот документ наречен буџет за 2018 година. Владата има потполно право и потполна обврска да ја искористи легитимната позиција. И тоа без страничните добро(зло) намерни мудреци. Ако се впушти во тоа,тогаш секој ќе има право да дели совети. Јас на пример, наместо „кратење на непродуктивните трошоци“ сигурно би ја внел расходната страна на буџетот во касапница и би ја соголил до најситната под-ставка.

Но истовремено би направил многу покомплексен даночен прозорец, каде веројатно би влегол и банкарскиот сектор, како еден од најголемите профитери од мега финансиската пирамида наречена „Скопје 2014“. Тие што работеле со мене и професионално ме познаваат знаат дека би го направил ова. И око нема да ми трепне. Сѐ во интересот на идно видливо плаво небо над оваа банкротирана мала држава. Но, владата има потполно право да го игнорира мојот совет, како и погорниве „мудри“ советници. Успехот и одговорноста за неуспехот на проекцијата е нејзин. Со право. 

 

ОСТАНАТО ОД КОЛУМНИ

Македонската регионална политика - прилог кон потребата за нејзино подолгорочно дефинирање

На Балканот се создава нов (гео) политички распоред кој радикално за долг период ги менува политичките состојби и констелации од било кога во досегашната историја.

Заев конечно во елемент, „преторијанците“ во паника

Е баш јебитачно, што би рекол оној куртонот над куртоните – додека сите очекуваа премиерот да ја поддржи харангата против оние што го критикуваат, тој најави реконструкција на Владата.

Заев се враќа дома?!

Посебно бев лут што една искрена моја поплака до премиерот заврши неуспешно и со доза на одмазда од страна на критикуваниот, т.е. Извршителот. И тогаш се сетив на стих од познатиот албански поет Миѓени: „Трај ти петеле востаник!“ И траев.

Болниот има само една желба

НАТО никогаш нема да ги реши нашите сопствени проблеми со вмровскиот фашизам, со нефункционалните институции на државата, и, конечно, со нашата општествена декапацитираност да ги решаваме сопствените проблеми.

Скок од височина од балканскиот гроб

Во преговорите за името Македонија не го брани својот идентитет, туку го гради. Ова е најдлабокото проникнување во суштината на македонската тековна егзистенција. И во перспективите.

Чувство за навредување

Како тој убав манир престана да важи кога се во прашање Македонците? Дали некој помислува на нашите национални чувства и имаме ли ние право на нив?

Заложничка драма

Патот до пеколот е секогаш поплочен со добри намери, како што рече еден плочкар, кој не го сфати вицот.

Како „малиот Мицковски“ ја замислува политиката

Се плашам дека овој или кратко ќе трае или неславно ќе заврши. Можеби и двете.

Пачавра - писание

Оние 200 будали се чини се турнати напред само да ја брануваат јавноста и да ги оттргнат погледите од тајните планови и инфилтрации што се случуваат вон вниманието на критичката заедница. Тие се одамна прочитана книга-пачавра.

Корупција – темно петно на политиката

Како и сè друго и во оваа сфера постои друга страна од моралноста, која, без оглед за каков општествено-политички систем станува збор, и без оглед на исклучоците од правилото, се јавува како константа - Моќта опива!

НАЈЧИТАНИ