• 21 ноември 2017
  • Вести денес: 83

Владата ќе именува околу 1.500 членови на управни и надзорни одбори во јавниот (читај буџетскиот) сектор. Што покажува калкулаторот? Месечниот трошок од буџетот за овој ангажман и тоа само како стартен трошок, ќе изнесува околу 380.000 евра. За присуство на состаноци.

Годишниот расход од буџетот би изнесувал во старт околу 4,5 милиони евра само за присуство на состаноци. Кога држава би била водена од професионалци, тие нема да застанат на оваа пресметка и ќе продолжат да проицираат и пресметуваат до вкупно реалниот трошок. Па така ќе пресметаат трошок по единица член. Ќе додаваат трошоци по единица член за Бонев модел на патни и дневни трошоци, потрошена струја, вода, греење и останати канцелариски трошоци, ручеци и вечери, евентуални бонуси, семинари… Така што, реално ќе дојдат до правиот трошок кој сигурно нема да биде под 5 милиони евра. Оваа фактура треба да ја одобри министерот за финансии и да ја плати од буџетската сметка.

Да не бидам погрешно разбран. Не се работи кој бил и кој е сега на власт. Се работи за пари од буџетот. Ова би било нормално со две претпоставки. Прво, да се работи за држава со стабилна и добро проицирана финансиска состојба, а не за технички банкротирана држава. И втората претпоставка е да се работи за професионалци како членови на овие одбори кои можеби со своето делување ќе направат поврат барем на дел од инвестицијата/трошокот. Претежно се работи за политички професионалци. Замислете ако ги додадете и сите платени од буџетот разно-разни комисии, бироа, агенции... и нивни додатни трошоци?

„Macedonia has conflict of interests per square meter, biger than the teritory of the Country“

Оваа моја омилена квотка во слободен превод на македонски би значела: Македонија има поголеми партиско- племенски и дигестивни врски на тие што одлучуваат, од нејзината територија. Можеби затоа последниве три декади имаме политичка економија, наместо пазарна економија.

Со севкупното нечинење последниве три декади, буџетот е претворен во своевидна финансиска пирамида. Буџетот е зависен да ги направи овие трошоци погоре, за да формира приходи. Затоа овие 200 илјади буџетски службеници се итекако потребни за буџетот. Ако тие не генерираат трошок, буџетот нема да има значаен дел од приходи и тоа по разни основи. Трошокот на буџетот генерира придонеси од плати, персонален данок, ДДВ и други приходи. Тоа е затворен пирамидален круг. Финансиска Пирамида. Типично за Балканот и земјите слични на Молдавија.

Верувам дека еден ден некој ќе направи сегментарна анализа на структурата на приходите и колку од вкупните приходи се генерирани од ова пирамидално работење. Исто како и сметката на извозот. Сегментарна анализа колку е нето сметката од Зоната, а колку е од Македонија. Сега Заводот за статистика веќе не е заробен и може многу лесно да ја направи оваа анализа.Тоа би бил добар почеток за демистификација на сеприсутното дебатно мислење за директните странски инвестиции и мешањето баби и жаби. Жабата е во Зоната, а бабата во Македонија. Нејсе, тоа е друга тема.

Да се вратиме на ова погоре. Буџетот е најсилуваниот сегмент од нашата држава. Затоа е неопходно да се однесе во касапница. Инаку, ќе треба да ја затвориме касапницата во скоро време. Без тоа нема реформи и пари за развој. Замислете овие погоре 5 милиони евра (да се само 5) ги поделите како иницијален грант за нови стартап бизниси за млади луѓе? Јас би го направил тоа и око нема да ми трепне. Но претходно, во касапница треба да се однесе Законот за трговски друштва.

Македонија има даночни обврзници кои се претежно микро и мали фирми. И триесетина Key Accounts фирми. Истовремено има Company Law кој уште во првата верзија еминентни професори се заборавија од мастурбирање и направија закон, кој небаре ќе се применува во Германија, Велика Британија… Тоа се вели: многу музика ама затоа и многу хонорари.

Без касапницата нема реформи. Може да направите window dressed реформи со траeње на еден мандат и потоа сѐ од почеток. Како во Молдавија.  

ОСТАНАТО ОД КОЛУМНИ

Преиспитување и ново саморазбирање

Големо парче од Републиката каква што ја познававме е изедено во поместувањата на тие геополитички пластови, таму е или празнина или нефункционална содржина или болна содржина и тие дупки мораме да ги пополниме со модерност, со здрав резон.

Македонија на кошаркарското ЕП 2021!

Благоја Георгиевски по неуспехот во квалификациите за ЕП 2017 поднел оставка, но побарал и Наумовски да го направи истото! Како Македонец и љубител на спортот во истовреме тагувам поради сегашната наша европска кошаркарска провинцијалност.

Врзете се, полетуваме!

Македонија стана земја со најголема стапка на дебата за реформи по глава на жител во Европа! Што си баравме – тоа си добивме: сите фатиле да дискутираат, да дебатираат, да полемизираат, да се допишуваат и да се надвикуваат!

Новогодишни прослави на плоштадите – да или не?!

Ако ја сакаме и почитуваме македонската музика и продукција, да го покажеме тоа на дело, а нашите естрадни ѕвезди да покажат доблест дека се отворени за една таква нова соработка во која нема да се преценат.

Грујо, добри гости ти дојдоа - Убиство со песна

Важно е! Навистина е бесценето важно, да не го заборавиме злото на владеењето на ВМРО – ДПМНЕ и сите негови лица, за да не дозволиме да ни се повтори.

Земја на (не)реваншизмот

И кога сè така убаво ќе изрелативизираме, па ќе го завиткаме во нереваншистичка обланда и обилна доза на шлаг, тогаш на врвот пак ќе се појави она фирерчено и неговите ора, стапот со два краја и слични идиотштини.

Политичарите и политиците пред историчарите и лингвистите

Можно ли е да изградиме наративи за историјата во духот на добрососедството на Македонија и Бугарија? Да, но само под еден услов – таа работа сепак да им ја оставиме на политичарите.

Братучед му на Мугабе

Бидејќи сме во Европа – а и заради милион други причини – планот на Грујо излезе пократок за дваесетина години од оној на Мугабе, кој со Зимбабве владееше од 1987 година.

Пратениците и нивните патни трошоци

Доколку успеат да се ослободат од хипотеката околу трошоците за превоз, пратениците во Собранието ќе имаат можност да покренат многу прашања околу трошењето на народните пари, вклучително и во македонските ДКП!

Нихилизмот не е доблест

Бугарија беше во друштвото на тие 13 фашистички држави и во врска со тоа спор нема, напиша бугарскиот хроничар Стефан Цанев.

НАЈЧИТАНИ