• 26 февруари 2018
  • Вести денес: 0

Ме вџаши апелот на министерот на финансии Драган Тевдовски до медиумите - ако не биле стручни, да не манипулирале на темата „акцизи за дизелот“. Ме разочара, зашто од еден млад министер на демократска влада, избрана по една долготрајна децениска борба на голема група слободоумни луѓе, очекував нешто сосема спротивно од овој отворен повик на самоцензура.

Очекував, на пример, апел до сите медиуми и до сите засегнати граѓани, кои сакаат да придонесат за подобар живот, а со тоа и за поквалитетно полнење на буџетот и поефикасна и поправедна распределба на народните пари, да се вклучат во дебатата за сите прашања покренати деновиве, вклучувајќи го и толку „стручното“ прашање за акцизата на дизелот.

Очекував Тевдовски да го повтори апелот на Заев за критика, надевајќи се дека младиот експерт, кој доби доверба да го води ресорот финансии, можеби е свесен на она што укажува колегата Борјан Јовановски во еден свој пост, имено дека „најголемата опасност за перспективните на комуникациската култура доаѓаат од апологетите“. Човек не мора да биде стручњак за комуникациска култура за тоа да го почувствува – едноставно, треба да е демократ.

Очекував нешто такво, велам, меѓу другото и зашто пред некој ден на оваа тема, на телевизија Телма, говореше и заменик претседателката на СДСМ, Радмила Шеќеринска, која ја потврди определбата на нејзината партија, сега и од позиција на власт, да се соочи со критиките и да дебатира, а не да замолчува.

Од каде сега оваа нервоза кај младиот Тевдовски, ова со ништо непоткрепено тврдење дека некои медиуми „манипулирале“ затоа што биле „нестручни“? И чуму вакви цензорски генерализации? Ако има медиуми кои манипулираат, Тевдовски треба да се охрабри, да ги именува и со нив да полемизира. Вака, работата излегува дека сите треба да се чувствуваме „нестручни“ и затоа секоја расправа и критика да се смета за „манипулирање“.

Точно е дека новинарите не се економисти, но има сериозни и посветени колеги, кои долго време известуваат за економијата, бизнисот и за финансиите. Тие интервјуираат официјални лица и експерти, анализираат различни мислења, истражуваат, читаат, се едуцираат. И навистина е грдо кога некој ги повикува да молчат, оценувајќи дека биле „нестручни“.

Сакам да верувам дека во случајов младиот Тевдовски имал лош ден и само лошо се изразил. Не е страшно, на сите понекогаш ни се случува тоа. Како и да е, министерот треба да знае дека јас лично, како и колегите од медиумите со кои раководам, „Слободен печат“ и Плусинфо, го отфрламе неговиот апел. Како непристоен. 

 

 

ОСТАНАТО ОД КОЛУМНИ

Македонската регионална политика - прилог кон потребата за нејзино подолгорочно дефинирање

На Балканот се создава нов (гео) политички распоред кој радикално за долг период ги менува политичките состојби и констелации од било кога во досегашната историја.

Заев конечно во елемент, „преторијанците“ во паника

Е баш јебитачно, што би рекол оној куртонот над куртоните – додека сите очекуваа премиерот да ја поддржи харангата против оние што го критикуваат, тој најави реконструкција на Владата.

Заев се враќа дома?!

Посебно бев лут што една искрена моја поплака до премиерот заврши неуспешно и со доза на одмазда од страна на критикуваниот, т.е. Извршителот. И тогаш се сетив на стих од познатиот албански поет Миѓени: „Трај ти петеле востаник!“ И траев.

Болниот има само една желба

НАТО никогаш нема да ги реши нашите сопствени проблеми со вмровскиот фашизам, со нефункционалните институции на државата, и, конечно, со нашата општествена декапацитираност да ги решаваме сопствените проблеми.

Скок од височина од балканскиот гроб

Во преговорите за името Македонија не го брани својот идентитет, туку го гради. Ова е најдлабокото проникнување во суштината на македонската тековна егзистенција. И во перспективите.

Чувство за навредување

Како тој убав манир престана да важи кога се во прашање Македонците? Дали некој помислува на нашите национални чувства и имаме ли ние право на нив?

Заложничка драма

Патот до пеколот е секогаш поплочен со добри намери, како што рече еден плочкар, кој не го сфати вицот.

Како „малиот Мицковски“ ја замислува политиката

Се плашам дека овој или кратко ќе трае или неславно ќе заврши. Можеби и двете.

Пачавра - писание

Оние 200 будали се чини се турнати напред само да ја брануваат јавноста и да ги оттргнат погледите од тајните планови и инфилтрации што се случуваат вон вниманието на критичката заедница. Тие се одамна прочитана книга-пачавра.

Корупција – темно петно на политиката

Како и сè друго и во оваа сфера постои друга страна од моралноста, која, без оглед за каков општествено-политички систем станува збор, и без оглед на исклучоците од правилото, се јавува како константа - Моќта опива!

НАЈЧИТАНИ