• 26 февруари 2018
  • Вести денес: 0

Таман се спремав да продолжам со гледање на Strangers Things 2, кога моја Снежана од таму ми вели, гледај МТВ1! Ќе гледаш, шо ќе правиш. Наредба! Нејсе, почнав да гледам. Ми оставија впечаток три поенти.

Ми остави многу голем впечаток што премиерот нашол време да дојде во Македонија меѓу толку форуми и самити и да му чува страв на младиот благонадежен министер за финансии. Тоа е за почит, особено што е под голем ризик, зашто некој може да му направи атентат во Македонија!

Реков во еден друг коментар дека нема да коментирам веќе за економијата и за финансиите и за нивната иднина и слобода во 2018 година и понатаму. Ама не можеш!

Од тоа што го слушнав, заклучив дека буџетскиот документ за 2018 е обичен copy/paste на документот од 2009 година. Имаше многу смирувачки изјави, како онаа легендарната и арогантна изјава на бившиот министер Ставревски од 2009 година: „За плати на службениците и за пензии секогаш ќе има пари“! Сакаше да каже, останатите - кој ве ебе!

Понатаму, видов дека за клучните проблеми Владата формирала работни експертски групи заедно со Светска Банка (омилениот израз на еден министер од деведесеттите). Тоа е добро. Ама, Министерството за транспарентност и отчетност има обврска конечно да ги соопшти имињата на локалните експерти. Ако ништо друго, да им го измериме умот и да видиме дали имаат буџетски бизнис кредитни картички со дискреционо право од 500 евра!

Сè на сè, заклучив дека го чекаат шумарот во 2018 година. Нејсе, имаат право, на власт се и редно е да им помине меракот. Туку, многу зборуваа за образованието. Ми остави впечаток дека вицепремиерот за економија и финансии во Австрија го проучувал дуалното образование во средните школи. Добро е тоа. Во тренд е во Македонија да се писка по средношколците и основците. Типично за балканска земја. Па се запрашав, зошто никој не писка по високото образование и нивните институции? Па си реков, абе Руди, кој е луд сам себе да се укине?!

Па најголемиот број на присутните дискутираа и за буџетот за 2009 година! Кога веќе по наредба морав да гледам, да предложам нешто. Мислам, исто како МРТВ, треба да се укине и УКИМ и повторно да се формира. Ама при формирањето секој мора да помине низ машинчето за плагијаризам. И второто што е многу важно, она што го вели Сашо после 11, а тоа е задолжително кандидатите да бидат интелектуалци со три генерациски дипломи во фамилијата. Додуша, праксата покажува дека со третата диплома може да се роди само глембај интелектуалец.

ОК, само давам предлог. Не очекувам дека сами себе ќе се укинат, кога веќе владеат со државава од денот на независноста.

Една идеја многу ми се допадна. Онаа со доматата. Ако успееме на гранчето да произведуваме домата повеќе од две парчиња, сигурно ќе бидеме како Холандија и економијата ќе се придвижи. Додуша,овие млади и паметни деца на самитов Macedonia 2.025 зборуваа за нешто друго. Зборуваа за AI, Startup, IT- solutions, E-economy....за NASA. Ама јас не би ја занемарил ни оваа идеја со доматата.

Јебига, наредба е наредба да гледам. Останав без Strangers Thing.

ПС. Овој текст синоќа по емисијата го постирав на ТОП КОЛУМНИ И КОМЕНТАРИ, изутринава го избришав. Јебига, кај ги тепаат од сите страни за нестручност, уште јас им фалам. Вака е неутрално, ќе го објавиш на ИН, па кој сака нека чита и реобјавува.

 

 

ОСТАНАТО ОД КОЛУМНИ

Македонската регионална политика - прилог кон потребата за нејзино подолгорочно дефинирање

На Балканот се создава нов (гео) политички распоред кој радикално за долг период ги менува политичките состојби и констелации од било кога во досегашната историја.

Заев конечно во елемент, „преторијанците“ во паника

Е баш јебитачно, што би рекол оној куртонот над куртоните – додека сите очекуваа премиерот да ја поддржи харангата против оние што го критикуваат, тој најави реконструкција на Владата.

Заев се враќа дома?!

Посебно бев лут што една искрена моја поплака до премиерот заврши неуспешно и со доза на одмазда од страна на критикуваниот, т.е. Извршителот. И тогаш се сетив на стих од познатиот албански поет Миѓени: „Трај ти петеле востаник!“ И траев.

Болниот има само една желба

НАТО никогаш нема да ги реши нашите сопствени проблеми со вмровскиот фашизам, со нефункционалните институции на државата, и, конечно, со нашата општествена декапацитираност да ги решаваме сопствените проблеми.

Скок од височина од балканскиот гроб

Во преговорите за името Македонија не го брани својот идентитет, туку го гради. Ова е најдлабокото проникнување во суштината на македонската тековна егзистенција. И во перспективите.

Чувство за навредување

Како тој убав манир престана да важи кога се во прашање Македонците? Дали некој помислува на нашите национални чувства и имаме ли ние право на нив?

Заложничка драма

Патот до пеколот е секогаш поплочен со добри намери, како што рече еден плочкар, кој не го сфати вицот.

Како „малиот Мицковски“ ја замислува политиката

Се плашам дека овој или кратко ќе трае или неславно ќе заврши. Можеби и двете.

Пачавра - писание

Оние 200 будали се чини се турнати напред само да ја брануваат јавноста и да ги оттргнат погледите од тајните планови и инфилтрации што се случуваат вон вниманието на критичката заедница. Тие се одамна прочитана книга-пачавра.

Корупција – темно петно на политиката

Како и сè друго и во оваа сфера постои друга страна од моралноста, која, без оглед за каков општествено-политички систем станува збор, и без оглед на исклучоците од правилото, се јавува како константа - Моќта опива!

НАЈЧИТАНИ