• 17 декември 2017
  • Вести денес: 27

Знае ли јавноста во Македонија колкава е платата на амбасадорот Џес Бејли? Има ли „свиркач“ во Американската амбасада во Скопје или некој добар новинар-истражувач преку кого можеме да го дознаеме тој податок? Или, можеби, ако љубезно се обратиме до прес-службата на Амбасадата, таа самата ќе ни ја соопшти сумата?

Зошто би ни било тоа нам важно, кога се работи за врвен странски дипломат, докажан добронамерник кон Македонија од нашата, најстратегиски, пријателска земја?

Па, за странски амбасадор кој си зема за право да изигрува „свиркач“ и да објавува вести до јавноста во врска со примањата (и за додатоците на примањата) на членови на македонската администрација, ред би било да истрча на фер израмнет терен за игра во однос на темата што јавно ја зачна, па да знаеме кој од каква морална (и материјална) позиција настапува.

На пример, да речеме дека Неговата Екселенција Бејли зема 3.000 долари месечна плата… Како? Не се три?… Добро, еве нека се пет илјади… Молам? Не се ни пет? Дупло?! Десет?!… Повеќе од десет?!?!

Бидејќи не можев да им верувам на сопствените уши, седнав на Чичко Гугл… Gross annual salary of the American Ambassador in Macedonia – enter… Таков податок Гугл не ми дава… Ми дава нешто друго, индиректно, но интересно: Американската амбасада во Скопје во февруари објавила оглас за испразнето место за (пази сега) административен асистент од областа на правото, во кој оглас, покрај другите податоци, е наведено дека годишната плата би се движела од 17.733 евра бруто (за домашен, македонски апликант), до 35.718 долари бруто (за странец кој би се нафатил на таа работа)… Значи, грубо, обичниов правен АСИСТЕНТ би имал повисока месечна плата од претседателот на ДИК во Македонија. Хмммм…

Потоа прочепкав уште малку по интернет: податоците се од пред некоја година, но Гугл вели дека платата на американските амбасадори во светот се движи од минималната годишна сума од 119.554 долари, до максималните 179.700 долари, во зависност од стажот, земјата-домаќин, ризиците, работните обврски и други периференалии… Во секој случај, со сите додатоци, кој било американски амбасадор во светот не смее (по закон) да зема годишна плата која е повисока од платата на американскиот потпретседател на Обединетите Штати, која изнесува 230.700 долари (за 2011 г.).

Доброооо… Сега полесно се дише: значи, реално е да претпоставиме дека месечната плата на уважениот и од демократската јавност омилен Џес Бејли е околу 13-14.000 долари месечно, плус сѐ друго платено, плус некој додаток за семејството, плус (оправдано!) додаток за ризик, плус фул здравствено осигурување, плус 5 недели одмор годишно (со платени авионски карти до годишно-одморската дестинација, бизнис класа!), плус уште нешто иди-ми-дојди-ми…

За тие пари месечно, Грујо не би ни станал од кревет насабајле! (Па, всушност, и не се будеше до пладне, а попладне и во вечерно-ноќните часови, како што е познато, тарифите беа многукратно поголеми!)

Е, сега, кога расчистивме кој од каква морално-политичка и лична материјална позиција говори за туѓите примања, што може да фрли одредено светло врз хуманизмот и ренесансата како такви, дозволете ми да го кажам своето мислење за она за што говореше омилениот амбасадор Бејли: Срамота е членовите на Државната изборна комисија, крадешкум, зад затворени врати, да си делат вишоци и додатоци во висина на цела годишна плата! Нивната работа, навистина, е тешка и одговорна, но тие однапред знаеле на што се нафаќаат, па нека не се чудат што нивната постапка предизвикува скандал во јавноста!

А амбасадорот Бејли би било подобро да си ја гледа својата работа – на пример, го чека избор на нов претседател на ВМРО-ДПМНЕ – наместо вака, од високо (од говорница), да ни прави стресови заради кои доживуваме масовни хистерични реакции, несвојствени за длабоко криминализирано општество како нашето, кое само што се беше ослободило од една гранде-клептоманска елита!

Или не?! 

 

извор: Цивил медиа

ОСТАНАТО ОД КОЛУМНИ

Магла во умот на Шилегов

Затоа што Умберто Еко, во тој роман зборува, како и Ордановски, за магла во умот на својот главен јунак Џанбатиста Бодони.

Загревање – со ладни глави

Проблемот на затоплувањето е всушност и проблем од кој извира загадувањето. Неопходно е да го реашаваат не политичари, туку експерти од сите релевантни научни дисциплини - машинци, енергетичари, здравствени работници, економисти, естетичари

Скопје (ч)исто ти ќе бидеш

Градоначалниче Петре Шилегов, нашиот град е загаден откако го паметам и ти оваа зима нема да го исчистиш. Тоа е јасно и за тоа никој не ти се лути. Скопје нема да биде чисто, но не мора да биде баш исто.

Право на свое време и граѓанска самопочит

Сево ова што ви го зборувам е прашање на слободата и граѓанското самопочитување, што значи нешто еминентно политичко и, без сомнеж, и тоа како „транзициско“.

Ем сере, ем зеље бере

Вмровското серење во никој случај не било „зеље берење“, туку зељето – како и нашето национално достоинство и идентитет – било само тоалет за нивната психопатска нужда! Измет, што – ако не го исчистиме - ќе нè идентификува во веки веков.

Еколошката катастрофа е аспект на нашата историска пропаст?!

Прво, некој мора да одговара за радикалната трансформација на градот во гасна комора со илјадници страшни жртви, дури и ако не сакал да направи гасна комора, како што тврдам јас.

Агентот „Мачка“ ангажиран за Македонија

Настаните од дневно-политичкиот живот ова го потврдуваат, а и постапките на Шилегов, кој не сака да ја тргне маглата од Скопје, точно поради фактот, што во магла, полесно се оперира.

Магла врз градот, магла во умот

Шилегов даде една непромислена изјава – всушност, тотална глупост – дека зад иницијативата за неодење на децата во училиште стоеле политички мотиви на опозицијата (?!).

Петре не вети никогаш дека ќе го среди загадувањето оваа зима

Кажуваше дека е процес и дека е потребно многу време, пари и многу напори за да се среди. Никогаш немаше неразумни ветувања за дугмиња што решаваат проблеми.

Нема да ви помине!

ДКСК, како и ДИК, нема да ги оставиме да се богатат на наша сметка, без оглед на тоа дали и кога ќе поднесат оставки.

НАЈЧИТАНИ