• 22 февруари 2018
  • Вести денес: 75

Искрено, од прва не ја сфатив поентата, кога ги слушнав оние двајцата непрокопсаници од Државната изборна комисија, како зборуваат дека парите ќе ги врателе за свеќи и за пченица. Дури од втора сконтав – аха, парите што ќе ни ги вратат, да ни послужат за умирачка, за свеќи и за пченица, за погреб. Оригинално, нема што!

Државната изборна комисија е колективно тело. Работи и одлучува колективно. Како што видовме, кога станува збор за парите, работи напорно и со невиден степен на единство. Никој во име на ДИК, ниту претседателот Александар Чичаковски, ниту кој било член, не се огради од ова безобразно колнење на сопствениот народ. На народот што ги плаќа, а тие му посакуваат парите да си ги троши, замислете, за погреби.

Одамна не сум чул некој некого да колне. Особено не вака, како да речам ... креативно. Сега гледам што смислувале членовите на ДИК во долгите непроспиени ноќи, во екот на напорната, прекувремена работа. Во градите свои криеле змии. Смислувале клетви. Криеле, молчеле, се измачувале, ама ете, сега си ги отворија душите. Сега знаеме како овие луѓе го доживуваат својот народ.

Сега знаеме каква е „големата слика“ што тие ја гледаат. Тоа е слика на погреб. Не обичен, туку еден масовен погреб, со многу свеќи и пченица, од нив донирани. Тоа е погреб на цел еден народ што и не заслужил ништо подобро освен да умре. Кога веќе е таков циција и неблагодарник.

И после овие зборови на невидена омраза, после овој незапамтен безобразлук, после ова јавно разоткривање на карактерите на една група непрокопсаници, навистина ли партијата на власт, како и луѓето што се задолжени да го билдаат имиџот на Владата во името на „големата слика“ (реформите), ќе ја одмолчат оваа бласфемија? Зарем после ова членовите на ДИК навистина ќе си останат на своите позиции и ќе земаат плати од буџетот што го полни народот што треба да биде погребан?

Па можно ли е ова, дами и господо другари?!

Бидејќи, не дај боже, може да се покаже дека и тоа е можно, си помислив и јас да си ја смирам душата со една клетва. Ако можат дикоглавиве да нè колнат нас, зошто ние да не ги колнеме нив? До три утрово сум сурфал по сајтови да пронајдам некоја соодветна клетва и на крајот не смислив ништо паметно, па решив да рециклирам една стара битолска. Вели вака - дикоглави, да даде господ Аца Лукас гол да ви шета низ куќи!

Ебати клетвата... Јас ги колнам, а они се радуат!
 

ОСТАНАТО ОД КОЛУМНИ

Заложничка драма

Патот до пеколот е секогаш поплочен со добри намери, како што рече еден плочкар, кој не го сфати вицот.

Како „малиот Мицковски“ ја замислува политиката

Се плашам дека овој или кратко ќе трае или неславно ќе заврши. Можеби и двете.

Пачавра - писание

Оние 200 будали се чини се турнати напред само да ја брануваат јавноста и да ги оттргнат погледите од тајните планови и инфилтрации што се случуваат вон вниманието на критичката заедница. Тие се одамна прочитана книга-пачавра.

Корупција – темно петно на политиката

Како и сè друго и во оваа сфера постои друга страна од моралноста, која, без оглед за каков општествено-политички систем станува збор, и без оглед на исклучоците од правилото, се јавува како константа - Моќта опива!

Идентитет и клаустрофобија

доколку се постигне договор (меѓународен), тоа не мора да значи дека ќе треба да чекаме тој целоснно да се сповреде за да влеземе во НАТО. Може ли договорот да вклучува, фази на пример, што мислите?

ПИСМА ОД ЛОНДОН Полнички, слабички, мода и бизнис

Оние што ги фрлија алиштата што ги носеа во осумдесеттите години – е па да им е криво, ако сакаат да ја следат тековната мода, ќе мора да купуваат ново и да си велат – е вакво слично имав.

Буркина Фасо

Ако станеме Горна Македонија ние не би можеле да станеме и Буркина Фасо, тој домеин веќе е зафатен, но би можеле да бидеме Буркина Ласо или, помакедонски: Буркина Ортома!

БОМБА НА МИЛЧИН Им го кажа она што го мислиме многумина!

Сум чул дека некои од младите маоисти во Владата, за постовите и настапите на Милчин коментирале - а бе што сака сега стариов?! Каков безобразлук! СДСМ, внимавајте, Владе Милчин зборува во името на многу што ги споделуваме неговите чувства!

Со оваа земјоделска политика, го испушивме!

СДСМ, очигледно, нема ни волја ни храброст за вистинска земјоделска земјишна реформа којашто, на среден и долг рок, ќе го оправат македонскиот, наводно, стратегиски сектор на земјоделието. Вака, најверојатно го испушивме!

Бојата е иста, во прашање се нијанси!

Многумина забележуваат и се вчудоневидени зошто денес во Македонија нема суштински изразени идеолошки разлики! Од реченото, логично произлегува дека и едните и другите припаѓаат на истото поимање на политиката. Боја иста, прашање се нијанси

НАЈЧИТАНИ