• 26 февруари 2018
  • Вести денес: 0
Плусинфо14:22 13 септември 2017 ● Прочитано 3266

По расправијата и дискусијата што ја имаше со пратениците од ВМРО-ДПМНЕ откако не даде едночасовна пауза по барање на кординаторот на ВМРО-ДПМНЕ Илија Димовски со образложение дека ја побарал по истекот времето предвидено за процедурална забелешка, претседателот на Собранието на Република Македонија Талат Џафери сепак даде пауза, но, како што рече, поради тоа што се создале услови за договор.

- Не може да се наметне одлука под притисок и закана, а кога 50 пратеници излегувате овде и ја правите истата грешка, тогаш тоа значи дека е насилно. Под уцена ни сега, ни утре, ни никогаш нема да прифатам донесување одлука. На ваков начин кога може да се слушаме јас ќе прифатам, поради тоа што јавно се договараме во моментов - рече Џафери.

Додаде дека кога на 27 април бил избран за претседател на Собранието, укажал и сега јавно повторува оти ова „или ќе биде Собрание или нема да го има, не буквално, физички, туку функционално и инстуционално“.

Расправијата настана кога пратеникот Димовски побара пауза, со цел, како што рече, пратениците од мнозинството и Џафери да можат да размислат и да ги отстранат процедуралните грешки, а претседателот на Собранието не дозволи, со образложение дека барањето е дадено по истекот на времето за процедурална забелешка. По ова, пратениците на ВМРО-ДПМНЕ пријдоа до Џафери, посочувајќи му дека повторно ги крши процедурите и не го ги почитува правата на пратениците, односно координаторите кои имаат право да побараат пауза, не дозволувајќи му да продолжи со седницата.

Додека Димовски бараше Џафери да даде пауза која како координатор на пратеничка група рече дека има право да ја побара, а пред да му се приклучат неговите сопартијци, Џафери го стави дневниот ред на гласање кој беше усвоен со 49 гласови за, без воздржани и еден против. Во Собранието, рече Џафери, во моментот на гласањето имало повеќе од 61 пратеник, доволно да биде валидно.

Потоа тој побара пратениците да седнат на своите места за да може да се договорат и даде пауза.

Претходно, Димовски побара законот за употреба на јазиците да биде повлечен, со образложение дека со него се кршат повеќе одредби од собранискиот Деловник во однос на тоа која е надлежна матична комисија, во врска со поставувањето на европско знаме, иако нема регулатива на ЕУ со која се усогласува, како и дека преложениот закон не е усогласен со делевникот, поради што, како што рече, Џафери треба од Владата да побара усогласување во рок од 15 денови, а во спротивно ќе се смета дека не е поднесен.

Претходно, веќе имаше едночасовна пауза и две барања за отстранување на точката од дневниот ред кои не беа прифатени од мнозинството. 

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.



ОСТАНАТО ВО РУБРИКАТА

Сообраќајка го отсече Волково од Скопје, повредена ќерката на Шенка Колозова

На мостот помеѓу Ѓорче Петров и Даме Груев не можат да поминат ниту автобусите на јавниот превоз, а ситуацијата ја влошува и снежниот нанос.

Забрана за камиони и на Плетвар и Ѓавоато

Како што соопштија од ЈП „Македонија пат“ забраната за движење на тешки товарни возила на Ѓавато важи од 20:25 часот, а на Плетвар од 20:15 часот.

Родилката од Кичево била задушена од неправилно поставен тубус?

Воздухот наместо во белите дробови бил насочуван во цревата, а при направената обдукција се увидело дека цревата се полни со воздух, дознава Нова ТВ.

Густа магла на Шапка и на Стража

Намалена видливост од 15 до 20 метри поради појава на магла има на Попова Шапка и на планинскиот премин Стража до 100м.

МТСП апелира да им се помогне на бездомниците од студот

„Дежурните тимови ќе ги згрижат и сместат бездомниците во пунктот во Момин поток - Скопје или во некој од регионалните пунктови за сместување“.

НАЈЧИТАНИ