• 26 февруари 2018
  • Вести денес: 0
Плусинфо15:00 13 септември 2017 ● Прочитано 429

Министерот за економија Крешник Бектеши, во рамките на годишното Генералено собрание на Светската туристичка организација (UNWTO) што се одржува во градот Ченгду, учествуваше во гласањето за нов генерален секретар и новиот управувачки одбор на организацијата која управува со туризмот на глобално ниво.

На 22-то Генерално собрание на Светската туристичка организација, кое го отвори првиот човек на Ченгду Луончианг, присуствуваа 70 министри одговорни за туризам од целиот свет.  Луончианг даде јасна порака дека туризмот е една од најважните индустрии во светот и дека со толку големо учество на министри од целиот свет се покажа дека владите се свесни за вредноста на туризмот како многу важна индустрија во економиите на државите и на светската економија, воопшто.

Бектеши во рамките на Годишното собрание се состана со повеќе колеги од регионот и светот, со кои дискутираше за развојот на туризмот на глобално ниво, за новите трендови и за подобрувањето на туристичките услуги, притоа претставувајќи ја туристичката понуда на Македонија, можностите за соработка во поглед на зголемување на бројот на туристи, преку разните поволни понуди.

Светската туристичка организација (UNWTO) е агенција на Обединетите нации одговорна за промовирање на одговорен, одржлив и инклузивен туризам.

Како главна меѓународна организација во областа на туризмот, таа го промовира туризмот како катализатор за економски раст, инклузивен развој и одржливост на животната средина, обезбедува водство и поддршка на туристичкиот сектор во однос на унапредување на знаењата и туристичките политики ширум светот.

Главен собир на Светската туристичка организација е Генералното собрание, кое се состанува на секои две години, за усвојување на буџетот и работната програма, дебатира за витални теми за туристичкиот сектор, додека пак секои четири години избира нов генерален секретар.

 

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.



ОСТАНАТО ВО РУБРИКАТА

Бугарија амбициозно „граби“ струја од сонцето

Иако источниот сосед сега има 60 пати повеќе фотоволтаици од Македонија, се гради нов гигантски соларен парк, а на покривите никнат соларни панели.

За проблемот со брашното ќе разговараат македонскиот и српскиот министер за земјоделство

Премиерот не очекува и зголемување на цената на лебот поради проблемите со кои се соочуваат мелничарите.

АПСУРДИ Власта се токми да ги осакати спортските обложувалници, ама и буџетот!

Измените на Законот за игрите на среќа и за забавните игри ќе предизвика масовни отпуштања во обложувалниците и пад на буџетските приходи.

Заев го посети тројцата браќа Вејселови, произвеле седум тони тутун ВИДЕО

Тутунот е тежок за производство, велат Вејселови, од расадување, берење, нижење до калапење во него учествува од најмалиот до највозрасниот член.

Струмички гимназијалци се наградени за идеи за „Коридорот 8“

Тие учествуваа со свои проекти како да функционра ова значајна комуникациска врска меѓу Македонија и Бугарија во иднина.

НАЈЧИТАНИ