• 26 февруари 2018
  • Вести денес: 0
МИА15:23 13 септември 2017 ● Прочитано 334

Британската Влада денеска соопшти дека ќе биде одложена четвртата рунда преговори меѓу Брисел и Лондон за повлекувањето на Велика Британија од Европската унија.

Во соопштението се наведува дека, новите преговори се одложени за една недела, односно ќе започнат на 25 септември.

Портпаролот на кабинетот на британскиот премиер Тереза Меј изјави дека решението за одлагање на преговорите е заедничка одлука на Велика Британија и на ЕУ.

Одложувањето на преговорите е направено со цел да им се даде повеќе време на преговарачките тимови за градење на простор за флексибилност, а со тоа и за обезбедување на напредок во целиот преговарачки процес.

Минатонеделната трета рунда, заврши без напредок и со отворени несогласувања и меѓусебни обвинувања на двете страни.

Поради несогласувањата на шефовите на преговарачките тимови, Мишел Барние и Дејвид Дејвис, интервенираше Меј. Таа побара да бидат забрзани преговорите за Брегзит.

Пратенците во британскиот Парламент вчера го усвоија Законот за излез на Велика Британија од Европската унија, со што се овозможува тој да влезе во следната фаза на парламентарната процедура.

Претседателот на Европската комисија Жан Клод Јункер наведе во неговиот извештај, дека Велика Британија „набрзо ќе зажали за Брегзит“.

Лондонсите медиуми веруваат дека одлагањето на преговорите не е толку за давање повеке време на преговарачките екипи, колку да и се даде простор на Тереза Меј за нејзниниот говор пред британските конзервативци, за окј се верува дека е важен за нејзината идна позиција во партијата. 

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.



ОСТАНАТО ВО РУБРИКАТА

Земјотрес од 7,5 степени ја погоди Папуа Нова Гвинеја

Засега нема информации за предизвикани материјални штети или повредени лица.

НРА против предлогот на Трамп за измена на Законот за оружје

Измена на Законот беше предложена по нападот во средно училиште на Флорида, во кој загинаа 17 лица.

Земјотрес со јачина од 5,5 степени според Рихтер ја погоди Јапонија

Епицентарот на земјотресот е регистриран на 125 километри од островот Хоншу, на длабочина од 9,9 километри.

Коѕијас: На Албанија не и отстапуваме ниту педа земја

Шефот на грчката дипломатија посочи дека иформациите дека Грција отстапува дел од својата територија се лажни.

Меркел, Макрон и Путин зборувале за прекин на огнот во Сирија

Tреба да се изврши максимален притисок врз сириската Влада со цел да се прекинат нападите во Источна Гута, соопшти портпаролот на германската Влада.

НАЈЧИТАНИ