• 21 ноември 2017
  • Вести денес: 82
Плусинфо17:17 03 ноември 2017 ● Прочитано 934

Милијарди долари се трошат во секој изборен циклус за рекламирање, што претставува лавовски дел од парите во американската политика. Во организираните кампањи се поминува безброј часови во контакти со гласачите во надеж дека ќе се придобијат потенцијални поддржувачи, пишува Арон Блејк за Вашингтон пост.

Една нова студија покажува дека тоа во голема мера е губење време и пари - или нешто слично на тоа.

Студијата на Џошуа Л. Кала од Универзитетот во Калифорнија и Дејвид Е. Брукман од Универзитетот Стенфорд ги оспорува некои од најраспространетите претпоставки за политичките кампањи - почнувајќи, прво и основно, од идејата дека обидот да се убедат гласачите со кампањи е добро искористено време и ресурси. (Краток опис на студијата може да се најде тука.)

Авторите на студијата комбинирале 40 постоечки експерименти за ефектот од убедувањето преку реклами и контакти во кампањи, а потоа додале и девет нивни опширни нови студии. Новите истражувања биле направени за време на изборите во 2016 со работната група Working America, подружница на AFL-CIO.

Кој бил нивниот заклучок? Рекламирањето и контактите во кампањите речиси немаат мерливо влијание, барем на општите избори.

- Најдобрата проценка за ефектот од убедување на гласачите преку контакти во кампањи и рекламирање - како што се пораките, телефонските повици и агитирањето - за избор на кандидати во Америка на општите избори е нула - пишуваат Кала и Брукман. „Нашата најдобра претпоставка за онлајн и телевизиското рекламирање исто така е нула, но има помалку докази“ за овие случаи.

Постојат неколку исклучоци од ова. Првиот е дека убедувањето е сè уште возможно во прелиминарните избори за конвенциите, каде што гласачите не се толку врзани партиски. Авторите на студијата велат дека исто така е можно успешно да се таргетираат „џебовите“ на гласачите кои се идентификувани како лесно убедливи - како што се поддржувачите на абортус, кои беа убедени од републиканскиот противник на абортуси во трката за Сенат во Орегон во 2008. Исто така утврдено е и дека убедувањето е можно на почетокот од општите избори, но дека тоа се губи како се приближува терминот за гласање. Ова, според авторите, создава илузија дека убедувањето има влијание.

Авторите на студијата утврдиле дека комбинацијата на сите експерименти укажува на тоа дека „најоптимистичката проценка“ е дека контактите во кампањата помагаат да се убеди само 1 на 175 гласачи. Нивната сопствена проценка е поблизу до 1 на 800 – „всушност нула“.

Дали тоа значело дека кампањите во основа се губење време, па? Не баш. Кала и Брукман објаснуваат дека тоа не значи дека убедувањето воопшто не може да биде ефективно, туку само дека можеби е време повторно да размислиме како кампањите да бидат поуспешни. Тие исто така наведуваат дека контактите можат да придонесат и за други цели, како што е одѕивот на гласачите:

Да бидеме јасни, нашиот аргумент не е дека кампањите, воопшто кажано, не се важни. На пример, кандидатите можат да ја одредат содржината на интересот на избирачите со менување на своите позиции, стратешки откривајќи одредени информации и влијание врз нарациите на медиумите - динамика која не ја засега анализата, но може да да го засега рекламирањето. Кампањите исто така можат ефикасно да ја стимулираат излезноста на гласачите. Нашиот аргумент не е дека кампањите не влијаат на општите избори на било кој начин, туку дека нема никаков суштински ефект од убедувањето при директните контакти со гласачите и рекламирањето за исходот на изборите.

Доколку кандидатите и водечките експерти за кампањи ги прифатат и всушност се согласат со овие заклучоци, тоа може да доведе до огромна промена на начинот на кој се спроведуваат политичките кампањи во САД. Ефективноста на ТВ-рекламирањето е во основа евангелие во овој момент, а купувачите на реклами и консултантите за медиуми се некои од најуспешните и доброплатени учесници во политичкиот процес. Идејата дека нивниот производ всушност не може да ги убеди луѓето сигурно ќе наиде кај нив на скептицизам и отпор.

Но, авторите тврдат дека нивните заклучоци можеби не се премногу шокантни за експертите.
- Овој наод може да помогне во објаснувањето зошто кампањите се повеќе се фокусираат на поттикнување на ентузијазмот на постојните поддржувачи, наместо да посегнат преку партиските линии за да освојат нови поддржувачи - пишуваат авторите.

Бинго. Мала тајна е дека има се помалку и помалку гласачи кои може да се убедат во нашиот се пополаризиран политички процес, но оваа студија покажува дека дури и тие на кои може да се влијае не се убедуваат со реклами и контакти. Парите потрошени за тие цели би можеле подобро да се употребат за одѕив на гласачите или некои други напори.

Многумина од нас се потсмеваа на помислата дека Доналд Трамп би можел да победи за претседателската функција со привлекување на 35 до 40 проценти од граѓаните одбегнувајќи ги потрадиционалните методи на водење кампања - вклучувајќи ги ТВ-рекламите и контактите. Можеби тој беше само пред своето време.

 

Подготви: А.Ј.

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.



ОСТАНАТО ВО РУБРИКАТА

Политички земјотрес во Берлин, што сега?

Математички и политички се исцрпени сите опции освен евентуално малцинска влада на Ангела Меркел за која шансите се минимални.

Лондон е посакувано засолниште за прогонети, за крадци и авантуристи

Главниот град на Англија е посакуван за азил на луѓе со вишок пари кои се кријат од правосудството, а градот им ја пружа и посакуваната анонимност.

Мочуришниот хотел: Трамп Интернешенел, Авенија Пенсилванија 1100

Во историјата на овој град не е забележано претседател, со своето име напишано со огромни златни букви, да ја промовира сопствената компанија.

НАТО: Немаме таен план за Западен Балкан

Официјалниот претставник за Русија и Западен Балкан од одделението за јавна дипломатија во НАТО оцени дека регионот се движи во вистинска насока.

Трамп номинираше истребувач на духови за нов федерален судија

Блогерот Тали никогаш не бил судија, а Американската адвокатска комора тврди дека тој е неквалификуван за тоа место.

НАЈЧИТАНИ