• 22 февруари 2018
  • Вести денес: 104
Плусинфо15:47 13 ноември 2017 ● Прочитано 5181

Фредерик Шопен умрел во 1849 година, на 40 години, а покрај тоа што како причина за смртта тогаш е наведена туберколозата, лекарите и научниците ширум светот дебатирале околу тоа повеќе од еден и пол век.

Тим од девет научници објавиле неодамна статија во магазинот „Американски журнал на медицината“, во која се објаснува дека славниот композитор умрел од перикардитис, ретка компликација што инаку се појавува кај заболените од туберкулоза, иако од туберкулоза дефинитивно боледувал.

Жив закопан

Таквото разјаснување на причината на смртта на Шопен денес не би било можно да не бил неговиот страв да го погребат жив, што во негово време не било редок случај и за што често се дебатирало.

- Заколнете се дека ќе ме отворите кога ќе умрам за да не ме погребате жив – молел Шопен додека умирал во Париз.

Неговата молба била услишена. Пред да биде погребан на гробиштата Пер Лашез, лекарите му го извадиле срцето. Неговата сестра потоа срцето во тегла со коњак го прошверцувала во неговата татковина Полска и покрај контролите на руската власт под која тогаш 

Срце во тегла

Срцето на Шопен било во тегла речиси цел век, во црквата „Свети крст“ во Варшава, а кратко време пред црквата да настрада во разорувањето на градот во 1944 година, еден есесовец го земал, претставувајќи се како голем обожавател на Шопен. Го однел во Берлин, а новите германски власти, тогаш ДДР, го вратиле срцето како реликвија на националниот јунак, великанот на уметноста, веднаш по завршувањето на Втората светска војна. Во наредните неколку децении се шпекулирало дека Шопен умрел од цистична фиброза, од дефициенција алфа 1 антитрипсина, од митрална стеноза, дури и до цироза на црниот дроб.

Дефициенција алфа 1 антитрипсина е ретко генетско нарушување што носителот на гените го прави чувствителен на белодробна инфекција. Сочуваното срце на Шопен, од многу причини не е анализирано уште од 1945 година.

Група научници неодамна конечно добиле единствена можност да го проучат срцето на Шопен одблиску. Драгоцениот дел на телото на големиот композитор, истражувачите смееле само да го набљудуваат, без отворање на теглата, а веднаш забележале дека срцето е прекриено со тенок слој фиброзно ткиво.

Набрзо воочиле и мали оштетувања, кои настанале поради посериозни компликации од туберкулозата. Конечната дијагноза е перикардитис, до што довело долгогодишното боледување од туберкулозата.

Иако причината за смртта на Шопен сега веќе е сосема јасна, јасно е и тоа дека ова поглавје нема да биде затворено сè додека на научниците не им се овозможи да направат ДНК-анализа на примерокот на ткивото од срцето.

 

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.



ОСТАНАТО ВО РУБРИКАТА

Ништо не може да го спречи роботот да ја исполни својата цел (ВИДЕО)

За движењата на роботот е задолжен софтвер, кој му овозможува да го усогласува неговото однесување во однос на пречките.

Во стан во Буенос Аирес пронајдени над 200 змии

За овој случај осомничено е едно лице, а змиите по ветеринарните прегледи ќе бидат вратени во нивните природни живеалишта.

Тест за Бил Гејтс - колку чини кило ориз во продавница (ВИДЕО)

Според неговата проценка, ќеса ориз чини пет долари, а вистинската цена е еден долар.

Новата цел на Маск - брз интернет во целиот свет

Маск очекува до средината на наредното десетлетие, проектот да работи во полн погон.

Полицаец во Египет спаси дете коешто паѓало од трети кат (ВИДЕО)

Момчето е неповредено, а полицаецот херој се здобил со полесни повреди.

НАЈЧИТАНИ