• 22 февруари 2018
  • Вести денес: 104
МИА12:11 14 ноември 2017 ● Прочитано 614

Можностите и потенцијалите за инвестирање во Република Македонија, новите владини политики во економската сфера и во делот на странските инвестиции ги презентираше премиерот Зоран Заев на денешниот работен појадок со претставници на стопанските комори на Република Словенија, како и со претставници на повеќе значајни компании од оваа земја, кои покажале интерес за можностите за инвестирање и соработка со Македонија.

Тој ги информирал словенечките стопанственици дека Владата е подготвена да учествува во субвенционирање на гринфилд и браунфилд инвестиции кои ќе отворат нови работни места, ќе воспостават соработка со македонски компании за суровини, услуги и репроматеријали, што ќе бидат извозно ориентирани и ќе бидат еколошки чисти индустрии.

- Сакаме да ве увериме дека Република Македонија, со новите владини политики во економската сфера, и во делот на странските инвестиции, може да ви понуди добра средина за развој на вашите бизнис иницијативи - рекол Заев на средбата.

Премиерот Заев, како што соопшти владината прес-служба, на работниот појадок ги запознал словенечките стопанственици со министрите за економија и за земјоделство, шумарство и водостопанство, Крешник Бектеши и Љупчо Николовски, кои споделиле информации за кои беа заинтересирани претставниците на деловниот живот на Република Словенија.

Претставниците на бизнис заедницата на Република Словенија со одобрување ги примиле новите можности од Планот за економски раст и покажале интерес за инвестирање во металопреработувачката индустрија, во електронската, во сферата на енергетиката и автомобилската индустрија, посебно во делот на електричните возила, како и за можностите за развој на деловни активности во животната средина и фармацевстката индустрија.

Словенечките бизнисмени покажале интерес и за нови иницијативи во финансискиот и осигурителниот сектор.  

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.



ОСТАНАТО ВО РУБРИКАТА

Грчкиот Парламент одобри продажба на пристаништето во Солун

Денешната одлука доаѓа по приватизацијата во 2016 година на најголемото грчко пристаниште Пиреја со продажбата на мнозински дел на кинеската Коско.

Непопуларни мерки се на маса - кревање на придонесите и возраста за пензија

Се прави комплетна анализа на структурата на ПИОМ и се бара чаре како да се извади од долгот.

Ирфан Асани: Се согласив 5% од платата да давам за ДУИ, а не од буџетот на Железници

Против Државната комисија за спречување на корупцијата и нејзиниот претседател Асани ќе покрене соодветни правни постапки и кривични пријави.

Агенцијата за медиуми најмногу пари ќе потроши за плати

АВМУ покажала солидно ниво на транспарентност, но треба да си ја заврши и стратегијата за развој на аудиовизуелната дејност.

Тевдовски: Се зајакнува транспарентноста и контролата на јавните набавки

Согласно европските правила и практика, новиот закон нуди можност покрај цената во предметот на набавката да се вреднува и квалитетот.

НАЈЧИТАНИ