• 21 јануари 2018
  • Вести денес: 0
Плусинфо15:09 14 ноември 2017 ● Прочитано 4951

Американскиот милијардер Бил Гејтс објави вчера дека инвестирал 100 милиони долари од личното богатство за поддршка за истражувањата за пронаоѓање нови начини на лекување на Алцхајмерова болест.

„Треба да ги поддржиме научниците, кои имаат различни идеи. Потребни ни се многу идеи, кои ќе ни дадат подобри шанси да лекуваме Алцхајмер“, напишал основачот на „Мајкрософт“ на својот блог.

Тој рекол дека во првата фаза инвестирал 50 милиони долари во Фондот за откритија за деменцијата, јавно-приватно партнерство што ги поддржува младите фирми, кои проучуваат нови можности за лекување на тие болести, а ист износ ќе даде и на старт-ап фирмите, кои се занимаваат со истражување нови лекови за Алцхајмер.

Гејтс рекол дека научните иновации ги претвориле старите заболувања со фатален исход како што е ХИВ во хронични болести што можат да се контролираат со лекови и дека е уверен дека тоа може да се направи и со Алцхајмеровата болест.

Според неговата оцена, трошоците за лекување на таа болест претставуваат едно од најтешките оптоварувања за здравствените системи на развиените земји, и доколку нема напредок во лекувањето на болеста, трошоците ќе продолжат да ги оптоваруваат буџетите во годините и децениите што доаѓаат.

– Тоа е ужасна болест, која ги уништува оние што ја имаат како и нивните блиски – рекол Гејтс, кој навел дека мажите во неговото семејство боледувале од деменција.

Гејтс рекол дека оваа иницијатива ја прави самостојно, не преку Фондацијата „Гејтс“. Фондацијата „Бил и Мелинда Гејтс“ финансира многу проекти ширум светот, од истражувања на инфективните болести какви што се сидата, маларијата или полио до борбата против сиромаштијата.

Според СЗО, повеќе од 36 милиони луѓе на светот се погодени со деменција, од кои повеќето имаат Алцхајмер. Тој број ќе се удвои до 2030 година, а тројно ќе зголеми до 2050 година на 115,4 милиони, доколку во наредните години не се најде никаков ефикасен третман. 

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.



ОСТАНАТО ВО РУБРИКАТА

Состојби кај кои ракијата може да послужи како лек

На Балканот ракијата се смета за национален пијалок, а приказните за нејзината лековитост се премесуваат од колено на колено.

Зошто се здрави коските и како можат да ве препородат?

Освен супите од коски кои ги готвеа нашите баби, коските можат и да се испечат, а печената коскена срж да ви послужи како најдобар намаз за леб

5 начини да го исчистите црниот дроб

Телото ви дава знаци дека е полно со токсини со следните симптоми: главоболка, замор, болка во зглобовите, запек, гасови и надуеност.

Докиќ: Секој трет Македонец има алергии

Алергиите, особено оние од доменот на домашна прашина и целогодишните, се асоцирани со аерозагадувањето, вели проф. д-р Дејан Докиќ.

Кардиолог открива каков леб можеме да јадеме колку што сакаме

Според Стивен Гандри, кардиолог од Небраска, единствениот леб кој можеме да го јадеме без грижа на совест, воопшто не содржи житарки.

НАЈЧИТАНИ