• 24 ноември 2017
  • Вести денес: 6
Драгица Христова10:21 14 ноември 2017 ● Прочитано 1028

Под мотото „Жените и дијабетесот - нашето право на здрава иднина“ денеска се одбележува Светскиот ден на дијабетесот.
По тој повод, Сојузот на здруженија на дијабетичари во Македонија организираше настан на кој се обрати претседателот на Сојузот, Бојан Киров:

- Нашата порака која сакаме да ја испратиме оттука е дека 14 ноември е битен за нас, лицата со дијабетес во правец на подобрување на соработката и односите со институциите на системот, пред се, со министерството за здравство, Фондот за здравство и Агенцијата за лекови и секако, со медицинската фела која е за нас најбитната карика и дека наскоро соработката ќе вроди со плод и ние како пациенти нема да треба да се заморуваме со проблеми од типот на досегашните – квалитетот на инсулинот и редовноста во снабдувањето со инсулинска терапија. Знаеме дека тоа не може да се случи наеднаш, но се надеваме дека кај да е, со редефинирање на законот за паралелен увоз и со националната иницијатива за воведување на ИСО стандарди во поглед на апартчиња, гликометри и инсулински пумпи, се заедно ќе биде подобрено.

Секој десетти Македонец има дијабетес, а во Македонија во 2017 година бројката на дијабетичари достигнува околу 190.000 пациенти, кои се на возраст помеѓу 20 и 79 години, но се почесто и деца заболуваат од шеќерна болест.

- Оваа бројка покажува дека над 12 отсто од населението во Македонија има дијабетес. Околу 40.000 од нив се на инсулинска терапија, а останатите 150.000 лица се на стандардна терапија. Со дијабет од типот 1 се 4.500 лица, а останатите имаат дијабет од типот 2 – вели Гиров.

Според него, оваа бројка е постојано во подем, особено се зголемува од типот два. Тој предупредува дека секој месец по 1-2 дечиња се дијагностицираат со дијабетес, а бројката се повеќе расте на што влијае квалитетот на живот и нездравите навики.

За заменик-министерот за здравство Гоце Чакаровски не е точна информацијата дека дијабетичарите користат неквалитетни инсулини.

Според него, секако дека имало проблем, но лабораториите треба тоа да го потврдат.

- Во иднина се надевам дека нема тоа да се случува – вети Чакаровски и дополни дека дел од сомнежите се презентирани во јавноста, но лекарите ќе направат се тоа во иднина да не се случува.

Според Саша Јовановска – Мишевска, директорка на Клиниката за ендокринологија, бројот на пациентите расте и во светски рамки изнесува 415 милиони, а до 2040 година бројката ќе достигне над 600 милиони болни со дијабетес.

- Неопходни се мерки за превенција на шеќерната болест, а тоа е здрава исхрана и физичка активност – потенцира Јовановска-Мишевска и дополнува дека во последно време жените во репродуктивниот период се почесто се соочуваат со дијабетесот, особено додека се бремени.

На присутните им се обрати и францускиот амбасадор Кристијан Тимоние кој ги сподели француските искуства во превенирањето на дијабетесот кои главно се однесуваат на едукација за правилна исхрана уште од најмала возраст.

Зголемениот број на лица со дијабетесот тип 2 е резултат на забрзаното темпо на урбанизација, стареењето на популацијата, седечки начин на живот, зголемена телесна тежина, недоволна физичка активност и поголем внес на нездрава храна. 
 

 

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.



ОСТАНАТО ВО РУБРИКАТА

Сестри, инкубатори, лекари, возила - што сè надостасува за здрави и живи бебиња

Би требало да се истражат сите смртни случаи на бебиња, не за да се казни медицинскиот персонал за грешките, туку за да се откријат причините.

Милион евра донирани за Гинекологија Чаир и за Детска клиника од Проект ХОПЕ Германија

Намалување на перинатална смртност и морбидитет во Република Македонија е цел на проектот ПериМак.

Пет здрави намирници кои не би смееле често да се јадат

Некогаш е тешко да се храните здраво, менито е ограничено на малку дозволени намирници, но што ако ви кажат дека дури и со нив не треба да претерувате

Нов систем за собирање отпадно масло за јадење од домаќинствата, вклучете се!

Еден литар отпадно масло за јадење може да загади до еден милион литри вода.

Дали да спиете со или без чорапи?

Крвните зрнца, кога е топло, се рашируваат, а тоа предизвикува пад на телесната температура и крвниот притисок.

НАЈЧИТАНИ