• 22 февруари 2018
  • Вести денес: 104
МИА15:32 14 ноември 2017 ● Прочитано 908

Меѓу Војводина и Македонија постои простор за јакнење на соработката на полето на стопанството, културата и афирмацијата на националните малцинства, констатираа на денешната средба во Нови Сад претседателот на покраинската Влада на Војводина Игор Мировиќ и македонската амбасадорка во Република Србија Вера Јовановска Типко.

На средбата е истакнато дека од взаемен интерес е унапредувањето на економските односи, преку поврзувањето на стопанските комори и кластери на полето на земјоделието, прехранбената и металската индустрија.

„Можности за соработка и заеднички иницијативи меѓу Војводина и Македонија постојат и преку поврзувањето на научно-технолошките институции, универзитетите и во туризмот“, заклучија двајцата соговорници.

Покраинскиот претседател Игор Мировиќ и македонската амбасадорка Јовановска Типко се согласија дека во заеднички интерес е афирмацијата на положбата на македонското национално малцинство во Војводина и на српското малцинство во Македонија, преку подршка на проекти за зачувување на културата и на идентитетот.

На средбата е оценето и дека преку соработката на локалните и регионалните власти, преку развојните и регионалните агенции, заеднички може да се аплицира за средства од предпристапните фондови на ЕУ.

Македонската амбасадорка Јовановска Типко денеска оствари средба и со градоначалникот на Нови Сад Милош Вучевиќ, на која е разговарано за можностите за стопанската соработка, на полето на туризмот и образованието, а особено за вклучувањето на културните институции од македонските градови во проектот „Нови Сад 2021 Европска престолнина на културата“.

Во таа насока разговарано е за воспоставување потесна соработка помеѓу Нови Сад и одреден град од Р. Македонија со слични карактеристики на Нови Сад, како Охрид, Битола или Куманово.

На средбата е истакната соработката и активноста на македонското Здружение „Кирил и Методиј“ од Нови Сад.

Соговорниците се согласиле дека за поблиска соработка од голема важност се здруженијата на националните заедници, како што е Здружението на македонското национално малцинство „Кирил и Методиј“ од Нови Сад, како и дека меѓународната соработка е најпродуктивна на локално ниво бидејќи дава најбрзи конкретни резултати, но оти и во таа мисла од исклучителна важност се културната и стопанската размена, и поврзување на универзитетите. 

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.



ОСТАНАТО ВО РУБРИКАТА

Грчкиот Парламент одобри продажба на пристаништето во Солун

Денешната одлука доаѓа по приватизацијата во 2016 година на најголемото грчко пристаниште Пиреја со продажбата на мнозински дел на кинеската Коско.

Непопуларни мерки се на маса - кревање на придонесите и возраста за пензија

Се прави комплетна анализа на структурата на ПИОМ и се бара чаре како да се извади од долгот.

Ирфан Асани: Се согласив 5% од платата да давам за ДУИ, а не од буџетот на Железници

Против Државната комисија за спречување на корупцијата и нејзиниот претседател Асани ќе покрене соодветни правни постапки и кривични пријави.

Агенцијата за медиуми најмногу пари ќе потроши за плати

АВМУ покажала солидно ниво на транспарентност, но треба да си ја заврши и стратегијата за развој на аудиовизуелната дејност.

Тевдовски: Се зајакнува транспарентноста и контролата на јавните набавки

Согласно европските правила и практика, новиот закон нуди можност покрај цената во предметот на набавката да се вреднува и квалитетот.

НАЈЧИТАНИ