• 22 февруари 2018
  • Вести денес: 104
Стојанка Митреска15:57 14 ноември 2017 ● Прочитано 2431

Сашо Поцевски, претседател на Советот за утврдување на факти за Плусинфо вели дека е во тек сослушувањето на судиите против кои има поднесено претставки за несовесно работење и дека очекува до крајот на месецов да дадат изјави сите судии кои беа повикани во Советот.

Откако повиканите ќе бидат сослушани, правосудното тело кое ја утврдува одговорноста на судиите по жалби за нивната работа ќе излезе со став за секој судија поединечно, дали ќе ја запре постапката или пак ќе му предолжи на Судскиот совет да утврдува нивна одговорност.    

Први во Советот требаше да бидат повикани тројца судии од Кривичниот суд кои одлучуваа за притворите на пребегнатите Горан Грујевски, поранешниот шеф на Петатата управа и  Никола Бошкоски, вработен во УБК, а кои се уште се наоѓаат во затвор во Солун од каде што се очекува да бидат екстрадирани во Македонија. Судиите за кои ќе се утврдува одговорност се обвинети дека со своите одлуки им овозможиле да избегаат на обвинетите во предмети на Специјалното јавно обвинителство.

- Ние си ја вршиме нашата работа како и досега совесно и професионално. Сите судии ги подигнаа поканите за да присуствуваат на седницата на Советот, освен судиите од Врховниот суд - вели Поцевски.

Во врска со најавите за укинување на ова тело составено од истакнати пензионирани правосудни кадри, Поцевски, смета дека не е во духот на заложбите за реформи во судството кога тие почнуваат со укинување на ова најпрофесионално, најнезависно и најстамено правосудно тело.

- Во Советот за утврдување факти членуваат судии, адвокати, обвинители и професори по судското право, кои целиот свој работен век го посветиле на професијата и со својата работа во Советот го потврдија своето високо професионално и одговорно работење. Потребно е реформирање на Судскиот совет, а не укинување на телото во кое за многу краток период од основањето се водени повеќе од 60 постапки против судии - вели Поцевски.

Според него, настојувањето на луѓето што ги кројат реформите, во новиот Судски совет да го вклопат и утврдувањето на одговорноста на судиите е само потврдување на нереформскиот и застарен принцип „кадија те тужи, кадија те суди“.

Фактите во прилог на Советот за утврдување на одговорноста на судиите велат дека за нецела година и половина, членовите на ова тело обработиле дури 1.200 иницијативи (претставки) поднесени од граѓани и правни лица за несовесно и нестручно работење на судиите и на претседателите на судовите во Република Македонија. За седум судии се поднесени и барања за утврдување на одговорност и за разрешување на поедини судии и претседатели на судовите до Судскиот совет.

Одговорите за епилогот на постапките покренати во Советот, вели Поцевски, треба да се бараат во Судскиот совет, а не во телото кое навреме си ја завршило својата работа. Тој истакнува дека на ниту еден судија досега за кого имало иницијатива за несовесно работење не му бил нарушен дигнитетот затоа што се придржувале до законската обврска за дискретна, нетранспарентна и тајна постапка се додека таа не заврши пред Судскиот Совет.

Советот за утврдување на факти и покренување на постапка за утврдување одговорност за судија беше конституиран на 17 декември 2015 година, а поради опструкции со кои се соочувале неговите членови, практично почна со работа во март 2016 година. 

 

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.



ОСТАНАТО ВО РУБРИКАТА

За Лавров ширењето на НАТО кон Македонија е конфронтација

Сергеј Лавров на Ивица Дачиќ на свечена церемонија му го врачи Орденот за пријателство, со кој беше одликуван од рускиот претседател Владимир Путин.

Еден загинат, еден повреден во сообраќајка на обиколницата

Возачот на возилото „југо“ починал на самото место, а В.Ѓ. е пренесен во Клиничкиот центар Мајка Тереза.

Мицкоски жали за Ќосето

Според него, ова сценарио е за дефокусирање од вистинските теми.

Ѓорчев се повлече од координатор на ВМРО-ДПМНЕ, на негово место Драган Данев

За негови заменици се поставени пратениците Горан Манојловски и Драган Цуклев, соопшти Игор Јанушев, генерален секретар на ВМРО-ДПМНЕ.

Актерот Владо Јовановски доби куќен притвор

Мерката притвор за Јовановски е заменета со куќен притвор, а судот ќе му го одземе и пасошот.

НАЈЧИТАНИ