• 22 февруари 2018
  • Вести денес: 104
Плусинфо15:51 14 ноември 2017 ● Прочитано 857

Собранието на Република Македонија на почетокот на попладневното продолжение на 15. седница ја заврши општата расправа по Предлог - законот за употреба на јазиците, во прво читање.

Седницата, како што најави претседателот на Собранието Талат Џафери, ќе продолжи утре напладне кога се очекува пратениците да гласаат за Предлог-законот, по што народните избраници ќе можат да поднесуваат амандмани по текстот.

За време на денешната расправа владејачкото мнозинство порача дека навлегуваме во фаза на градење доверба меѓу заедниците. Сакаме подобар систем, подобри закони, подобар живот за сите.

- Да испратиме порака дека Собранието ќе им ги гарантира сите права на граѓаните, независно од кој етникум доаѓаат и на кој јазик зборуваат - порачаа пратениците од владејачкото мнозинство.

Опозицијата и во последните реплики пред завршувањето на расправата повторно го искажа ставот дека законот е неуставен, дека нема да биде применлив и дека ќе резултира со дополнителни фрустрации кај граѓаните. Најавија дека ќе поднесат повеќе амандамни, со кои, како што кажа Илија Димовски од ВМРО-ДПМНЕ, од законот ќе се тргнат одредбите кои се надвор од Уставот.

- Ќе предложиме решение преку кое ќе го тргнеме дискриминаторскиот елемент кон српската, ромската и бошњачката заедница, а не само кон албанската. Исто така, ќе бараме да нема надлежност да се контролира дали се употребува албанскиот, туку и македонскиот јазик - рече Димовски.

Решението, како што истакнаа претходно пратениците од ВМРО-ДПМНЕ, е набрзина предложено и е со европско знаме, што предизвика дополнителен сомнеж и страв кај дел од јавноста. Затоа, во втората фаза треба да се надгради со елементи кои дополнително ќе ги засилат граѓанскиот и мултиетничкиот карактер на државата.

Законот се носи со просто мнозинство, мора да има кворум од 61, а од нив треба да гласаат 41 пратеник , плус по Бадинтер, односно да гласа и мнозинството припадници од малцинските заедници.

По завршувањето на општата расправа по Предлог-законот за употреба на јазиците, во прво читање, Собранието ја продолжи работата по 12. седница и дебатата за Предлог закон за дополнување на Законот за исплата на платите во Република Македонија, по скратена постапка, предложен од опозициските пратеници, започната во јули, годинава.

Со овој предлог опозицијата бара зголемување на платата за 5 отсто во јавниот сектор од почетокот на 2018 година. Опозициските пратеници сметаат дека е дискриминаторска најавата на Владата за зголемување на платата на дел од вработените во јавниот сектор предвидено со Буџетот за 2018 година.

Според владејачкото мнозинство, пак, платите ќе растат, а два пати годишно ќе има и нивно усогласување. Законот на опозицијата го нарекоа популистички и несериозен поради тоа што во него не се предвидени финансиски импликации.

Предолжението на 12. седница ќе биде дополнително закажано.

 

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.



ОСТАНАТО ВО РУБРИКАТА

За Лавров ширењето на НАТО кон Македонија е конфронтација

Сергеј Лавров на Ивица Дачиќ на свечена церемонија му го врачи Орденот за пријателство, со кој беше одликуван од рускиот претседател Владимир Путин.

Еден загинат, еден повреден во сообраќајка на обиколницата

Возачот на возилото „југо“ починал на самото место, а В.Ѓ. е пренесен во Клиничкиот центар Мајка Тереза.

Мицкоски жали за Ќосето

Според него, ова сценарио е за дефокусирање од вистинските теми.

Ѓорчев се повлече од координатор на ВМРО-ДПМНЕ, на негово место Драган Данев

За негови заменици се поставени пратениците Горан Манојловски и Драган Цуклев, соопшти Игор Јанушев, генерален секретар на ВМРО-ДПМНЕ.

Актерот Владо Јовановски доби куќен притвор

Мерката притвор за Јовановски е заменета со куќен притвор, а судот ќе му го одземе и пасошот.

НАЈЧИТАНИ