• 21 јануари 2018
  • Вести денес: 0
МИА16:03 13 јануари 2018 ● Прочитано 1861

Компјутерскиот томограф во штипската Клиничка болница е расипан, па пациентите од источниот регион мора овие прегледи да ги вршат на томографите во болницата во Струмица или во Клиничкиот центар во Скопје.

Директорот на Клиничка болница-Штип, Ален Ѓеорѓијев вели дека надвор од функција е и апаратот за факометодата за лекување на очни болести на Одделението за таа намена.

- Морам да нагласам дека проблемите се влечат неколку години наназад. Главниот проблем е и што има дотраени апарати и проблемот е што тие не се редовно сервисирани. Така што, имаме зачестена појава на дефекти на апаратите. Тоа е една работа што треба да го кажаме и втората работа е што во изминатиот период беше период на транзиција и имавме изборен период во кој што болницата немаше Управен одбор и беше многу тешко било кој апарат кој ќе се расипе да може да се поправи, бидејќи знаете дека секоја поправка која мора да се направи да оди на тендер и на јавна набавка. Меѓутоа, состојбата мора да се поправи - вели Ѓеорѓијев.

Според него, добро е што е укинат Советот за јавни набавки, бидејќи здравствените институции меѓу кои и штипската Клиничка болница морале со месеци да чекаат апаратите да се поправат. Смета дека во текот на наредниот период овој хаос со дефектите на апаратите ќе се среди. Во изминатите неколку месеци болницата од свои буџетски средства сервисирала неколку апарати, меѓу кои и магнетната резонанца.

- Апаратот за магнетна резонанца кој го сервисиравме, дензитометарот, апаратот за анестезија и другите апарати, сето тоа нè чинеше повеќе од 80.000 евра - вели Ѓеорѓијев.

Додека се чека на поправката на неколкуте апарати во штипската Клиничка болница, според директорот Ѓеорѓијев, итните случаи не се оставаат самите да се снајдат, туку ги транспортираат до оние болници, каде ќе ја добијат соодветната здравствена услуга. 

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.



ОСТАНАТО ВО РУБРИКАТА

МЗ: Комисија ќе истражува како починала родилката во приватната болница

Родилката починала во четвртокот, а во болницата требало да се породи со своето прво дете.

Магла на Плетвар видливост од 50 до 100 метри

На одредени патни правци кои поминуваат низ клисури и усеци можна е појава на поситни одрони.

Стевананџија Данев и Димовски најдолго на собраниската говорница

Димитар Стевананџија од мај до август лани дискутирал 236 минути, Драган Данев со 233 минути и Илија Димовски 221 минута.

Пратениците ја почнуваат расправата за намалување на патните трошоци

За следната недела се најавени седници на три комисии кои ќе расправаат по предлото за измени на два закона од страна на СДСМ.

Пожар во стан во Карпош, нема повредени

Пожарот е изгаснат и е причинета само материјална штета, нп нема повредени.

НАЈЧИТАНИ