• 22 февруари 2018
  • Вести денес: 0
Мариела Трајковска13:49 13 февруари 2018 ● Прочитано 6786

Албанци да бидат активно вклучени во преговорите за името и доколку Македонија и Грција постигнат договор, тоа да не биде име со кое би се идентификувале само Македонците. Ова начелно ќе бидат клучните барања од меморандумот кој го подготвуваат интелектуалци - Албанци и кој ќе се најде на маса пред премиерот Зоран Заев, политичките партии и меѓународниот фактор, потврди за Плусинфо Шптим Положани, претседател на Здружението на поранешни затвореници и еден од иницијаторите на меморандумот.

Иницијативата експерти Албанци директно да бидат вклучени во решавањето на спорот кој Грција го има со нашето уставно име, тие ја покренуваат, бидејќи според нив, ДУИ не е легитимен претставник на Албанците и оттука учеството на лидерот Али Ахмети и вицепремиерот за европски прашања Бујар Османи се нерелевантни.

- Албанците имаат историски легитимитет на овие простори и треба да се вклучат во процесот за решавање на спорот за името. Не ни пречи да остане уставното име, ниту пак, да се дојде до решение за ново име. Но, битно е со евентуалното ново име на државата да не се идентификуваат етничките Македонци. Во меморандумот што го подготвуваме бараме експерти Албанци да бидат вклучени во процесот, бидејќи ДУИ само дава бланко подршка на одлуките на македонската Влада - вели Положани.

Освен Положани, меѓу иницијаторите на меморандумот се споменуваат и професори и интелектуалци како Абдула Мемети, Арсим Синани, Авни Авдиу, Нијази Муамети...

Дел од иницијаторите кои ги контактиравме не беа расположени да зборуваат за меморандумот со образложение дека документот се уште е во фаза на подготовка. Коментираат само дека присуството на Ахмети на лидерските за парашањето за името не е легитимно, бидејќи ДУИ не е претставник на сите Албанци.

Тие забележуваат дека опозициските партии на Албанците како Алијансата за Албнаците и Беса се целосно исклучени од процесот.

Иницијаторите апелираат меморандумот да го поддржат сите Албанци каде и да живета за во преговорите за иметот настапат со единствена позиција.

Со ваква забелешка неодамна излезез и лидерот на Алијансата на Албанците Зијадин Села. Тој бара опозициските партии и партиите на Албанците да бидат вклучени во преговарачкиот процес.

– Ние како Алијанса за Албанците сме против тенденциите за словенизација на името. Како што рековме дека сме против словенско име Македонија, исто така сме и против предлогот кој кружи во дипломатските кругови, околу идејата да бидат употребени имиња со географска одредница напишани само на македонски јазик, како на пример „Горна Македонија“. Ние сме против ова бидејќи и ова е тенденција за словенизација и присвојување на името – рече неодамна Села.

 

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.



ОСТАНАТО ВО РУБРИКАТА

Според Раша тудеј, Меркел денеска се сретнала со Иванов (ВИДЕО)

И покрај тоа што поминаа неколку часа од завршувањето на прес конференцијата, во насловот сѐ уште стои дека Меркел се сретнала со Иванов.

Индекс за перцепција на корупција: Македонија најлошо рангирана од Западен Балкан

Најдобро рангирана земја во светот е Нов Зеланд, следена од Данска и Финска, а перцепцијата за корупција е најголема во Сомалија.

Заев за Дојче Веле: 2018. може да биде историска година за Македонија

Членството во НАТО и датумот за преговори со ЕУ ќе значат живот за Македонија, рече премиерот Зоран Заев во интервју за Дојче Веле.

СЛОБОДЕН УДАР Кул е друг да одговора

Министерката, за тоа што го прикривала, вчера одговараше на суд, кривично. Тоа што министерот не прикрива не е доволно за да не одговара правично.

Штајнмаер: Решение на спорот со Грција ќе даде позитивен импулс за целиот регион

Германските компании што основаа свои фабрики во Република Македонија, отворија речиси 20 илјади работни места.

НАЈЧИТАНИ