• 22 февруари 2018
  • Вести денес: 0
Плусинфо15:48 14 февруари 2018 ● Прочитано 13230

Јутарњи лист открива во каква лимузина го возеа Вучиќ низ Загреб: Стотка постигнува за 6,5 секунди, чини повеќе од еден милион.

Осигурувањето на Александар Вучиќ, од нивните хрватски колеги и домаќините побара српскиот претседател при посетата на соседната држава да се вози во неговото претседателско возило, а на тоа е, како што може да се види, удоволено.

Во колоната од 15-црни лимузини и џипови кои се снимени на Авенијата на Хрватската братска заедница беше приметлив „Audi8 L секјурити“ со белградска ознака BG 1108-11. Станува збор за блиндирана верзија на германскиот производител со ниво на балистичка заштита 9, чија каросерија е направена од материјал вообичаен во производството на воени возила и отпорна е на куршуми од пушка, со моќност од 425 коњски сили, која достигнува стотка за 6,5 секунди, а нето цената е повисока од 135.000 евра.

Ауди тврди дека тоа е најбезбедното возило кое го направиле досега.

Приметно беше дека, за разлика од посетите на други државници по должината на целата рута имаше припадници на редовната и интервентната полиција со сета заштитна опрема - шлемови, штитови, патот го надлетуваше полицискиот Eurocopter, а беше забранет и пристапот на демонстрантите на плоштадот св. Марко.

Проценка на ризик
Зоната околу хотелот „Вестин“, каде што престојуваше Вучиќ, беше под особен безбедносен надзор уште од неделата, а на кровот беа специјалци снајперисти. Боно Марјановиќ, експерт за безбедност, ги коментираше овие мерки за осигурување.

- Невообичаено е со странски државник да дојде и неговиот ескорт, односно возилото што го користи. И ние го користевме нашето возило S-1 кога отидовме во Белград, а само во исклучителни случаи се користеше возилото на домаќините. И никогаш околу тоа немало проблем, бидејќи тоа може да биде едноставно барање на заштитеното лице, но исто така е дел од мерките против прислушување - вели Марјановиќ.

- Едноставно, безбедносниот систем функционира и сите мерки и нивната имплементација се во согласност со односите меѓу двете земји и проценката на безбедносните ризици. Користено е т.н. осигурување на трасата со затворање на сообраќај, мерки против експлозија, стерилни зони, со цел да се избегне било каква ризична ситуација. Затоа што ако нешто се случи на заштитеното лице, тоа би била сенка на меѓународниот углед на Хрватска. Од друга страна, со дозволување на демонстрациите државата се покажа како дел од демократијата. Но, забраната за пристап до плоштадот св. Марко е сосема разбирлива бидејќи не може да се дозволи било каква закана за безбедноста на заштитено лице - истакнува Марјановиќ.

Проверка на гости
Проверката на гостите кои престојуваат во „Вестин“ и размената на информации од разузнавачките служби се само дел од подготовката на секоја државничка посета. Бидејќи Вучиќ го возеше неговиот службен возач, правило е покрај него да биде и водачот на осигурувањето од МВР за случај на било каква непредвидена ситуација.

 

Подготви: А.Ј.

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.



ОСТАНАТО ВО РУБРИКАТА

Во пресрет на изборите во Унгарија: Орбан се расфрла со националистички пароли

Последниве недели во своите говори тој сè пожестоко ги повторува тезите кои многумина ги оценуваат како изразито националистички и расистички.

Њујорк тајмс во Косово: Десет мрачни години од прогласувањето на независност

- Ќе се разбудиш едно утро, ќе се погледнеш во огледало и ќе сфатиш дека плимата на историјата те прегазила - Ричард Холбрук му рече на Ивановиќ.

Тешки зборови во Минхен

На Минхенската конференција за безбедност според учесниците можеше да се види: времињата се несигурни како што одамна не биле.

Типичниот член на Конгресот на САД е 12 пати побогат од типичното американско домаќинство

Во 2015 година просекот на богатството во американскиот Конгрес бил најмалку 1,1 милион долари.

„Тој Шулц“ заминува

Мартин Шулц по една година се повлекува од лидер на СПД, оставајќи ја неговата партија во хаос.

НАЈЧИТАНИ